عودي !!!
عودي !!!
الاديب والشاعر/عزيز الشهاوي
يا سنين العُمر ارجعي !!
لو عاشقه وجع !! اوجعي ..!!
ياريت تعودي من تاني ..!!
بأفراحي و أحزاني ..!!
بحِلم الماضي وانا عاجز !!
اكونلُه ف يوم انا الباني !!
اعافر فيه وبيعاند ..!!
واحايل تاني يروح شادد !!
واجري عليه ولا يسأل !!
اقرب مِنّو يروح مادِد !!
ياعُمر العمر فين انتى ؟!!
كإني لاعشتك ولا كُنتي !!
دخلت الدنيا من بابك !!
وضاع العمر ف عتابك !!
وعشت النار انا ف عِندك !!
م شفت الجنه من عَندك !!
ورغم الآه وتبريحها !!
ورغم الناس وتجريحها !!
ورغم البين واشواكه !!
بقول ياسنين انا وجْدِك !!
انا حُبك و انا نبضك !!
انا الهايم بشوك وردك!!
فما بالِك ولو مره !!
اعطر روحي ، من شهدك !!
ياسنين العمر بالراحه !!
م شفت معاكي يوم راحه!!
اخدتي مني ومِن نفسي !!
ونَفسي فيكي سواحه !!
عاشقه فيكي تجريحك !!
تعدِّي حتى تسفيهك !!
ودا طبع اللي بيحبُّوا !!
بينسوا حتى تشويهك !!
بينسوا هجرِك ومن صدِّك!!
أملهم بس تنوهيك !!
إشاره واحده من يدِّك !!
بإن ف يوم هتعودي !!
تلاقي الروح على عهدِك!!
هايمه تقول كمان جودي !!
إشاره واحده من يدِّك !!
بإن ف يوم هتعودي !!
تلاقي الروح على عهدِك!!
هايمه تقول كمان جودي !!
عزيز الشهاوي
