المشاريع الاستفزازية
قاعة افراح بجوار قاعة أفراح بجوار قاعة أفراح
وكأننا في مدينة قاعات الافراح
وكأن الافراح شغالة طول اليوم والناس مش هتلحق تحجز موعد للافراح
المطاعم بجد لما تبقي في بلد كلها مطاعم وكأن البيوت أغلقت مطابخها والسيدات اعتزلت الطبخ داخل البيوت
أمر مستفز
الكافية(الدلع لقهوة بلدى)
مشروع اللي ما عندهوش مشروع
قطع طريق للمارة
خاصة أنهم لا يلتزمون بالجلوس داخل مبني الكافية
ويجلسون في الطرقات
ونسيوا ان الرسول أمرنا بأن نعطى الطريق حقة
سناتر الدروس الخصوصية
والكلام في الموضوع ده بالذات احنا خلصنا كل الكلام فيه
المخابز الاليه اللي بقت بتغزو مصر والقارة الأفريقية
وبقت بتصنع أدق تفاصيل متطلبات البيوت معلنه شعار نحن تحت امر ست البيت أو نحن بنحل محل الأمهات
#السيبر (تجمع الشباب أمام شاشات الحاسوب)
وحدث ولا تبالي عن هذا المشروع الذي يهدر وقت وعمر وحياة وأموال الشباب
الجيم اللي بقي عامل زي العقدة النفسية اللي لو جبنا خمسين طبيب نفسي ومعاه مئة دجال ما يعرفوا يخرجوه من حياة ولادنا
دكتور التغذية مع احترامي لكل دكاترة التغذية
بس انا عتابي ع الناس اللي علاجهم في ايديهم وهما اللي بيجذبوا المرض
من خلال زيادة الوزن بعدم اتباع وصايا الرسول
بالتسمية اول الاكل عشان ربنا يبارك في القليل
والحمد بعد الشبع
في تنظيم المعدة بثلث للطعام وثلث الشراب وثلث للنفس
ونرجع نبكي ونتباكي ع زيادة الوزن والتنمر المجتمعي
بناكل بشراهه
وبنلبس بشراهه
ما عندناش وسطية في اي حاجة
#كل اللي بنعمله في حياتنا التقليد
بنقلد وبس
لا في ابداع و لا تميز
كسل وخمول مسيطرين ع كل تفكيرنا
……..
اول ما نشوف مشروع ناجح نجرى كلنا ونعمل زيه
نفس شكل قاعات الافراح
حتي الفرح نفسه والاغاني اللي فيه
وطريقة عمل الدي جي حتي الرقص والهطل هو هو
مش بنشوف تجديد
#نفس الوان الكافيهات واحد ونفس التصميم ونفس الاسعار ونفس الاطباق
ما فيش تميز
حياة من الباست والكوبي
نسخ ولصق
ولا حياة لمن تنادي
د.رانيا فتيح
