قال هكونلك وطن وبيت

كلماتي/أم هاشم العيسوي
متابعة / ممدوح السنبسى

قال هكونلك وطن وبيت
حلف انه مفيش قبلي
وقال عمري ما حبيت
والكدب دايب حبله والخيط

طلعت زي كل اللي فاتو
عبارة عن كلام كله زيف
صحيح اللي اختشوا ماتو
وانتا في حياتي كنت مجرد ضيف

زعلانه علي أيام قضيتها اسندك
كنت تهد في قلبي واتحمل
وتجيني باكي وتطلب مني اوعدك
ممشيش ولا حتي أمل وافكر اهددك

عملت ايه عشان اللي بينا يعيش
أهملت حتي تفاصيلي المهمه
والناتج من كل صبري يطلع مفيش
هحلفك بالدين وان كان ليك ذمه

تقولي قصرت معاك في ايه
كنت تتعب وأداوي بحبي جرحك
كنت في عهدي عايش بيه
كنت اشاركك ألمك وفرحك
بس اللي زيك ميتبكيش عليه

زعلي علي سنين عدت من عمري
ولكن عوضه مالوش مثيل
وراضي بكل قسمته ولله أمري
وخليك انتا للي شبهك وافتكر الجميل

انا من الناس اللي مش بتندم ع المعروف
انا بس زعلي انه راح لحد مبيقدرش
اوعي في يوم تفتكر تعتذر وتقول ظروف
عشان ناكر الحب جاحد مبيتغيرش