أنا الموال،،، ♕
انا الموال في اوجاعي
انا العايش بغير داعي
و اشيل حملي علي دراعي
و مش بهتم،، بالتفاصيل
انا المغلوب و حظي قليل
بشوف الدنيا مش فارقة
لناس بعرفها و مفارقة
و ناس تعاهدني ع الفُرقة
عشان شايفاني دمي تقيل
انا الفاشل،، في دور،، تمثيل
و بتداري،، بين،، الكواليس
و بتفرج علي مشاهد لفن رخيص
و اشوف غيري فتح بابه،، لألف هاويس
و بهلونات،، تلف،، و دايرة،، تتنطط
نهاية الدور تلاقي للكل بيزقطط
و بتفرج وانا،،، الغارق،، في بحر،،، هموم
و لما بشوفني ف مراية،،
بلاقيني حديث اليوم
يضحكني،، اللي،، بات فيا،، و متداري
وبتبسم،، علي عينيا،، مانيش،، داري
و اسيب المسرح المفتوح،، يزيد في البوح
و اقول،تاني، يا ريتني ف يوم
ما كنت خرجت من داري،،، ♕
شعر / ياسر عبد الحميد،، ♕
