في تصريح تقول عليه خارج من مخبول معتوه وربما أيضا تقول عليه خارج من فقد حاسه فقدان الزمن علي اي حال الناس اللي شاغله نفسها وعماله تحكي تاريخ قناه السويس وتاريخ انشاءها وازاي اتحفرت لترامب احب اقولكم هو عارف ده كويس جدا وعارف بلده كانت فين في وقتها اما عن كلامه لولا امريكا فده له احتمالات ممكن يكون حاططها في دماغه زي مثلا لولا ان امريكا اوقفت حرب ٥٦ لكانت القناه دلوقتي لسه في ايد الفرنسيين ومن وراهم الانجليز وممكن يكون قصده ان لولا معاهده السلام اللي امريكا تبنتها بين مصر والكيان واوقفت الحرب بينهم لكانت القناه مازالت مغلقه او يمكن حاطط في دماغه انه لولا تدخله دلوقتي ضد الحويثين كان زمان القناه مغلقه تماما ومابيمرش منها سفن وكل ده طبعا مردود عليه بأن العدوان الثلاثي اصلا ماقدرش يدخل مدن القناه نتيجه للمقاومه المصريه والامر كان هايتطور بدخول روسيا والصين علي علي الخط وكانت هاتبقي حرب عالميه ثالثه وانتم أخدتكم العزه بالإثم ازاي ثلاث دول تتفق انها تعمل كده من غير علمكم ده غير ان انتم اصلا كنتم عايزين انتم تبقوا المسيطرين علي طرق الملاحه في العالم
وبالنسبه للمعاهده انتم عملتوها غصب عنكم بعد حصار السادات للثغره اللي كان فيها نصف الشعب الاسرائيلي وتهديده بضربها وتهديده بعد كده بكلمه العمق بالعمق يعني لو الكيان ضرب اي من مدن القناه هايضرب العمق الاسرائيلي وبالنسبه للحوثين انت بتعمل كده عشان تقضي علي آخر اذرع ايران في المنطقه ده غير انك عايز انت اللي تسيطر علي باب المندب اللي هو مدخل قناه السويس عشان تضرب طريق الحرير الصيني واللي بيمر من باب المندب لقناه السويس زي بالضبط كده ماعايز تحط ايدك علي قناه بنما عشان نفس الموضوع وعشان المنطقه اللوجيستيه اللي الصين عملتها في بنما وبتعملها في قناه السويس
هو ده الكلام اللي يترد بيه علي هذا المخبول بإننا عارفين مخططتك وقاريين المشهد كويس يعني مفيش داعي نحسسه انه مستغفلنا واحنا بنحكيله حكايات قبل النوم
