معنى الراجل
لو فاكر إنك كده راجل
تبقى إنت عبيط
وبتتحايل
الراجل الصح
مابيتساهل
وزوجته
مش شبه الحلوه
أم جدايل
وكلامه عنوانه ومرايته
في الحق
مايعرفش جمايل
شغال وبيصرف
على زوجته
زي الينبوع وسط
جدايل
وإن زعلت يوم
فيها بيحايل
بيراضي ويصالح
لو أخطأ
زي المصطفى كده
ماهو قايل
والسر ف يوم
ماخرج بينهم
ولا حاله ف يوم
ماصبح مايل
علشان كده قالوا
عن الراجل
مش بس بصورته
ولاكلامه
ولا شنبه اللي
عليه بيتخايل
معنى الراجل
بقلم الشاعر/ فهمي محمود حجازي
