العفن الفني
غمض عينك
وانتش واجري
خليتوا عقلنا
وسرايا صفرا
فتحت بدري
عفاريت حاضرة
بدري ووخري
يااللي درست الفن
ف حضره ليه بتبيعوا
والله صوتكم
جابلي الحسرة
فين بقى حلمي
من أصواتكوا
التافهة الناكرة
دا اللي ينعر
زي البقره
يبقى ترند ونال الشهره
واللي ينهق
واللي يمأمأ
واللي حلقلي
دماغه ظلبطه
واللي يغني
عشان البطه
وكل كلام
أغانيكوامنحطه
يااللي ظلمتوا
الفن الهادف
أنا هحاربكم
أنا مش خايف
كل كلامكم
والله هايف
ده تنعير
مش فن وهادف
ده تعكير ترموه
في مصارف
اللي يغني لسيجارة بني
واللي يجعر قال بيغني
واللي يزعق ويصدعني
عايزين إيه
دانا قلبي وجعني
فين يااخواننا
أصحاب الفن
يلحقوا عقلي
خلاص هتجن
توكتك ماشي
بمهرجانات
والسواق ده
ناقصله صاجات
والسماعة شغالة
ع الآخر وماشي يعاكس
في الستات
وإن جيت تنصح
فيه وتعقل
تبقى دخلت كده
ف حورات
إما هتظهر
في مين الجاني
أو في القصر
العيني تبات
حولوا صوت
الحق سكات
عدنا بنسمع
مش خيبه واحدة
كل سمعنا بقى نكبات
نكبة بتحكي خاله السيد
خد ورث أمه
وعدى وفات
وفضحه فضيحه
كبيرة بصاجات
عفن فني
بعد ماكان
للمغنى حلاوة
وانت بتسمعه
قلت أهات
كان فيه مطرب
بس بجد
وكمان فيه أجمل كلمات
مش دلوقتي
بقت تفاهات
فين أمناء الفن وأهله
ييجوا ينضفوا طبل
وداننا من القازورات
بقلم الشاعرفهمي محمود حجازي
