زوج باع عرض زوجته عشان يطلع الاثار من تحت بيته
أحمد أبو سمك
تحكى لى سيدة محترمه عن قصتها مع الاثار والرصد فتقول بدأت احلم أحلام غريبة مثلا أنى بنزل تحت الارض تحت بيتنا وبشوف غرف تحت الأرض وحوائط منقوش عليها رسومات فرعونية فقصصت هذه الاحلام على زوجى الذى بدوره استعان بروحانى
قال الروحانى بيتك تحته آثار ولو طلعت الخير ده ليا النص ، الراجل لما صدق فرح وقال يلا على البركه فعلا الروحانى تانى يوم كسر بلاط المطبخ وبدأ الحفر وجاب مواسير وماتور عشان يسحب المايه
بعد فتره قالهم ان الرصد بتاع المكان بيغير مكان الكنز وبيسحبه لباطن الأرض قام الزوج قال له طب والعمل يا عم الشيخ قاله هولع البخور وهقول الطلاسم دى ولازم ندبح حيوان واحنا بنقول الطلاسم دى عليه قاله موافق وفعلا دبحوا الحيوان وذكروا اسم الشيطان عليه
واتاهم تانى يوم قال للزوج أن الرصد مش هيسيب لنا الكنز إلا لو حصل نجاسه على باب الكنز ففهم الزوج ان الروحانى عاوز يزنى بمراته
تحكى الزوجه قصتها بمراره وهى تبكى وتقول لى بالفعل زوجها استدعى الروحانى وقاله تعالى الصبح والزوج قال لمراته انا هروح مشوار جاى واعملى كل اللى يقولك عليه الشيخ
بتقولى انها فضلت تبكى وترتعد فرائسها خوفا من هذا الذنب العظيم فلما رأى حالها هذا الروحانى اللعين خاف ان يلمسها خوفا من ان تصرخ وتفضحه
هذه القصه حقيقيه سمعتها باذنى من هذه السيده فأحببت أن أنصح لكم وان يكون هذه التجربه التى عاشتها فى ميزان حسناتها لأنها ستنفع بها المسلمين وتحذرهم من اغواء الشيطان لهم وإيهامهم بالكنوز_الوهمية
تعالوا أشرح لكم الحقيقة الكاملة وراء انك تحلم بكنز تحت بيتك او تشوف فى الحلم اثار_فرعونية؟
أوعى تصدق روحانى من عبيد إبليس يقولك تحت بيتك أثار وخير هو الشيطان ضاحك عليه وعليك وأكيد من خلال القصه فهمت هو ليه الشيطان بيعملك حلم بالاثار
الاجابه انه بيمينك بالكنز وبالثراء السريع بدون تعب ومشقه ويقولك لو طلعت الكنز ابنى مسجد او اعمل خير كتير لله فتقول فى نفسك مش مهم اتنازل عن بعض دينى او رجولتى فى سبيل ذلك فيخليك تذبح لغير الله
قال تعالى (فصل لربك وأنحر) أنحر لربك يعنى أن الذبح لا يكون إلا لله فلو نويت ان تذبح للشيطان لكى يخرج لك الكنز فتكون كفرت بالله عز وجل
ده غير ان الروحانى نفسه بيقول طلاسم عباره عن سب الذات الالهية وتمجيد لابليس والتذلل له لكى يرضى عنه وده كفر بالله عز وجل
وكمان ممكن يطلب ذبح ذبيحة بشرية طفل او يطلب منه الزنا مع بعض محارمه كما حدث فى هذه القصه الحقيقيه
فهل لو فعل ذلك سيستطيع الانسان ان يصل للكنز والاثار الاجابه لا لأن الشيطان يستحيل انه يساعد الانسان بل يعدهم ويمنيهم وما يعدهم الشيطان الا غرورا
قال تعالى ((ومن يتخذ الشيطان وليا من دون الله فقد خسر خسرانا مبينا)) يعدهم ويمنيهم ((وما يعدهم الشيطان إلا غرورا)) أولئك مأواهم ((جهنم)) ولا يجدون عنها محيصا] سورة النساء
ممكن الشيطان يطلع كنز لواحد او اتنين عشان يطمع باقى الناس انها تحاول انها تطلع بالطرق الكفرية دى لكن كل الباقى فنكوش وكذب ويبقوا باعوا دينهم ودنياهم
