لحظة ندم
كلمات
أيمن البكري
ساعات كتير بنحس
ب الخوف والإلم
وتعدى علينا لحظه
نشتاق لل ضاع وإل إتهدم
ومين فينا معداش عليه
لحظة ندم
لحظة ندم
على أول بنت حبيتها
سلمتها قلبى وكيانى
وعمرى ف لحظه ما نسيتها
أو كنت معاها أنانى
بعد حكاية حب سنين
وكلام حلو ب الملايين
سابتنى وراحت لواحد تانى
لحظة ندم
على حلم كنت بحلم بيه
وأمل جوايه ببنيه
وأقرب ما ليه جاه وهدوا
وإل وعدنى خلف عهده
مبقاش فيه حد دلوقتى
بيحافظ على وعده
لحظة ندم
على حاجات كنا بنعملها
وبنصمم إننا نكملها
شيطانا حلاها ونورها
ونرجع نندم عليها
ونرجع بردوا تانى ليها
فيه ناس محتاجه ندعيلها
إن ربنا يهديها
لحظة ندم
بتيجى ليك ف أى مكان
بتصحى جواك الإنسان
وتلاقي نفسك كده ندمان
وتتمنى يرجع بيك الزمان
علشان تصلح وتتغير
وترجع كل إل إتهد وإدمر
بس بيكون دايماً خلاص
فااااااااااااات الإوان
