راجع امورك……..

—- راجع امورك .— كلمات الشاعر احمد جابر سويلم

راجع امورك

واوزن كلمتك —-

وبلاش حمولى

ترميها مره فى سكتك —

قلبى اللى حبك

ماعرفشى غير دنيتك —

همك فى نفسك

وان شاله اموت انا —

ياه جاى النهارده

تتهمنى بقسوتى —

لسايا فاكره انا

كنت ايه فى دنيتك —

تقدر تقولى كم

واحده دخلت دنيتك —

ياما كنت اسامحك

لما ترجع تعتذر —

كان جوا قلبى

ثوره من الغضب —

وكان بركان

جوا قلبى هينفجر —

سبتك كتير وياما

قلبى عليك صبر —

جاي النهارضه

بتعاتبنى لجل اعتذر —

احكيلى مره

قلبى معاك اختلف —

ولاسابك ولغيرك ائتلف —

قلبى اللى حبك

يوم ماعرفك —

يوم مشافك وانت

بترمى بشفايفك همستك —

منا كنت اقدر

اقفل دنيتك —

عايز تفارق ميت

سلامه فى سكتك —

وان قلت راجع

بطل تهنى فى دنيتك —

وبلاها كاس من

اللى غير دنيتك —

خليك تفوق

وتبص مره لصحتك