من سلسلة بلا عقل مركب الضراير بقلم/رفيدة الشافعي مركب الضراير يحكى أن رجل متزوج بأربعة من النساء كان نقطة ضعفه الستات الحلوين وفي يوم من الأيام دخل عليه المحل فتاة غاية في الجمال والدلال وبصوتها الناعم . تقول الفتاه:ياسيد المعلمين عايزة الحته البمبى اللى هناك دى ،فأمر الرجل صبيانه بإحضار اجمل الأقمشة :دى ودى ودى لست البنات اتفضلى الحلوة منين ،فردت شكراً لسيد المعلمين أنا بنت الحج سلطان الله يرحمه شيخ العطارين والسيدة كلهاتحلف بيه فى مماته قبل حياته،فرد عليها طبعاً طبعاً ياست البنات الله يرحمه ويبشبش الطوبة اللى تحت رأسه ده كان راجل لازم يشتغل بالمجوهرات والتحف مش بالعطارة ،فردت عليه اشمعنا يا معلم بقى ،لأنه خلف حته ألماظه زيك ، يوه يامعلم حبه حبه علينا إحنا مش قدك ،الإ اسم العسل إيه ،اسمى فيروز يامعلم ،فرد ايوه الجمال ده لازم يبقى فيروز ،فردت عليه ما قلنا واحدة واحدة يامعلم مش كده ،تجوزينى ياست فيروز اتجوزك ،كده مره واحدة أنت نسيت إنك متجوز من أربعة يامعلم،ليه بس كده ياست فيروز تفوقينى من الحلم الجميل ده على كابوس ،دى مش كابوس يامعلم دى الحقيقة ،سلام يامعلم فى اللقاء . عشان سكتى ملهاش طريقة غير الجواز ،وجلس الرجل ينعى همه ويفكر كيف يتخلص من واحدة من الزوجات حتى يستطيع الزواج من فيروزة ،ففكر في فكرة لا تأتى على مخ الشيطان نفسه ،ونادى على صبيه خد ياواد روح لبتاع الخضار هات فلفل حامي حامى موت وتعالى ،فرد عليه ليه يامعلمى ياحمار عشان أخلص من واحدة من حريمى الأربعة ،ازاى يامعلمى فحكى له . ذهب صبيه ليشترى الفلفل وهو قادم وقبل أن يذهب للمعلم ذهب لمنزله وقال لزوجاته على مكيده المعلم ، فأعطته كل واحدة شئ من المال وانصرف بعدها للمعلم وأعطاه الفلفل الحار . جلس النساء الأربعة يفكرن في مكيدة أكبر لزوجهم يكفيك شر الضراير لماتتجمع قالت أحدهم مش هو قال لصبيه إنه هيحكم علينا ناكل الفلفل المحامى ده كله من غير ما واحدة فينا تقوا ح . تعالوا أقولكم هنعمل أية ،وبالفعل آت الزوج بالفلفل الحار وقال أنا زهقت منكم أنتم الأربعة وعايز اخلص منكم الفلفل المحامى ده هتاكلوا كله واللى هتقول ح يبقى مش بتحبنى وهطلقها ،وبالفعل بدأت الزوجات الأربعة بأكل الفلفل الحار وتردد بالتتابع بينهم . فالأولى فى السوق بلح والثانية وحلو البلح والثالثة وبيتباع بالقدح والرابعة بكام القدح وظلوا يرددون تلك الأغنية إلى أن انتهوا من أكل الفلفل كله. والزوج ليس لديه فى كيد الأربع زوجات ،وظل يردد بعدها كيد النساء غلب كيد الرجال، اتفقتم عليا يامركب الضراير.
