ابويا كان بسيط

ابويا كان بسيط

وعلمني وقالي
خلي بالك من اللي هقوله تملي
خلي التواضع املك
وراعي ضميرك في عملك
ولا تشغل بالك باللي يقابلك
واجعل ربنك بين عنيك تلقاه حافظك
وتمشي بين الناس مرفوعه هامتك
ويخافو عليك ويدوك وضعك
تسلم يابا وتسلم نصايحك

وانا اللي ابويا كان بسيط

ولا يعرف معنى البساطه الا صاحبها
اللي علي طول محبة الناس واخدها
وكرم ربنا له بيزيدها وحافظها
وسيبك يابني من اللي يبص لفوق
مسيره يقع ساعتها بس يفوق
ويحس بنفسه لما يكون مزنوق
يدور على معروف عمله يكون له من الغرق طوق
هتاخد ايه متدور علي المحبة يكون لك الكل في شوق
شفت البساطه وعمايلها
بتعمل ايه مع صاحبها

وانا ابويا كان بسيط

وكان طيب القلب ولا يحسبها
وعامل بس اللي عليه وعلي الله سايبها
تسلم حياتك بأمر اللي خالقها
ووقت الشده تلقي كرم ربك جالها
وقوام فارجها

ده جزاء البساطه
وابويا الله يرحمه كان بسيط
وعلمني الأصول

بقلمي محمد سليمان