للناس اللي بتقول الدور على مصر 🇪🇬، عايزين نقولكم حاجة: إحنا مش بس عندنا ثقة في رجالتنا في الجيش والشرطة اللي عندهم خبرة في تكسير جماجم الإرهاب، إحنا كمان شعب وقت الجد بيوقف ويحارب ويدوس على الإرهاب من غير ما يفكر مرتين.
فاكرين عم صلاح الموجي، الله يرحمه؟ الراجل الجدع المصري اللي هجم على الإرهابي الكلب اللي كان معاه سلاح آلي وبيهاجم كنيسة مار مينا في حلوان؟ عم صلاح لا فكر في نفسه ولا خاف على ابنه اللي كان معاه. شاف إن الكنيسة دي كنيسة بلده، وإن الناس اللي جواها أهله وجيرانه، فهجم على الإرهابي بكل شجاعة، منعه إنه يستخدم السلاح، وضربه بالخزنة على دماغه.
ولما الإرهابي حاول يتكلم وقاله: “سيبني، أنت مش فاهم حاجة”، رد عليه بكل قوة: “هوريك مين اللي مش فاهم، يا ابن الكلب!”.
وعشان كده، مصر جميلة وعظيمة برجالتها وشعبها الجدع ❤️ ربنا يرحمك يا عم صلاح الموجي، ويبارك في كل شجاع بيحمي بلده من عصابات الجهل والتطرف.
