إعدلى

” إعدلى “

الدنيا ملعب كبير
واللعب فيها يوماتى
فيه كيكا ع العالى
وكيكا ع الواطى
ياتلقى صاحب جدع
ياتلقى البعيد واطى
والرزق ع الخلاق
بيرزق العالى
وبيرزق الواطى
ماربك الوهاب
وربك العاطى

يادنيا بالراحه
حادفه عليا شمال
ومتقله التقال
زايده عليا الحمل
وضهرى لما اعدله
بيبقى تقل جبال
ضهرى اتقسم م الحمول
وانا اصلى مش شيال
خفى حمولك شويه
دا انا ليا اهل وناس
حسى بيا شويه
وشغلى الحساس
واتكلمى كويس
مع حد عنده أساس
فى ناس كتير تعرفيها
ملهاش بنا واساس
ودايماً بتفضليها
وعلينا بتنفخيها
ودهبنا يبقى نحاس
فيها ايه لو تعدلى وتشغلى الحساس
وتفصلى الأتواب
مظبوطه علينا مقاس
وتعايرى بالمعيار
الماس بسعر الماس
وإزاز بسعر إزاز
دا المسك مسك وعنبر
والجاز بيفضل جاز

الشاعر_خالد_فضل