طقطقت
الحريق عم تلهف كل الشجر
بالدخان عميت عيون البشر
الهوا(الهواء ) برقص اتجاهاتها
الخوف راعب حتى الحجر
شو منعمل لوين من هج
غبار الحريق بكل فج
الريحة خانقة
الريحة خانقة و بتئج ١
نحنى تحت درجات الخطر
الصيف والع بحرارتو
بلا كهربا منعيش مرارتو
كيف بالحريق صيرورتو
قديش عم نتحمل ضرر
ربي مقطوع منا النفس
روايح خانقة من العسس
الحريق مقاتل شرس
قاضي عالبشر بلمح البصر
بعد الحريق
الطبيعة بتلملم ذاتها
بتخضوضر بتراباتها
بتتجدد بتعدلا حياتها
بتعود خضرا ع مد النظر
شرط ما تمسها ايد البشر
سودا منها الخراب بينتشر
بديرا تقطيع للمشاحر خبر
فحم للبيع لثروة درر
١_ اشتعال
بقلمي ملفينا ابومراد
لبنان
٢٠٢٤/٧/٥
