وقلت ياعيني خلاص اهو جاي
استنيت زوقت البيت
وعملت الكحك معاه الشاي
ونسيت انه في يوم زعلني
وخالص مش حزعل وايه يعني
مهو لما زمان كان يواعدني
بيجيني ويفضل وياي
أتأخر ليه راح فين ولأيه
وازاي كده يعني يسيبني ازاي !
دورت عليه ونا مشتاقه
وسألت الناس
ابو ضحكة وفرحة وأغني
وقمري الوناس
فالقيت الدمعه المنسية بتقولي خلاص
مش راجع ليكي بهدية
ولا جايب ُحب ولا عيدية
على ايده دم الاطفال
راح غزة يفّرح في عيالها
فلقاهم شهداوابطال
والبسمه الحلوة ف جنازة
عالشاشة بتعلن اخبار
في وداني صراخ والظلم رياح
في ديار أطلال
والظالم مجرم مش حاسس
وبيرمي النار
ولا فارقه معاه رمضان أوعيد
عمال بيزيد
وبقلبه المًيت مات العيد
اهو مات العيد
اهو مات العيد!
