انا الوطن والاستقرار والامان وحمايتك من غدر الزمان

انا الوطن
والاستقرار والامان
وحمايتك من غدر الزمان
انا الونس ورحمة بعتها ليك العزيز الرحمن
انا حضنك الدافي وشريكة الايام و السنين

بدي اكتر ماباخد
اديت ولسه بدي وهدي كمان
لأخر العصور ولآخر الزمان
أنا الأرض الخصبة والسكينه والحنان

اللي نبت جوه حشاها بذور الخير
وعلي ايديها اخضرت الأرض واتعمر المكان

علمت الرجال وبقى منهم الطبيب والمهندس والمدرس وكمان الفنان

وعلي اكتافي علي مر العصور قامت الحضارات

انا الأنثي حفيدة هاجر المصرية خالة العرب وام الانبياء
عمرت الدنيا بتكليف من الرحمن

انا ملكة حفيدة ملوك حتشبسوت ونفرتيتي وغيرهم كتير حكموا الدنيا واسأل التاريخ و الأجيال

خاطرة
دكتورة لبني يونس
فينوس