عميد كلية بدرجة إنسان ؛ يستجيب لنداء طالبتين عبر الهاتف لحضور الامتحان بعد ان اسودت الدنيا أمامهن.
عميد كلية بدرجة إنسان ؛ يستجيب لنداء طالبتين عبر الهاتف لحضور الامتحان بعد ان اسودت الدنيا أمامهن.
كتب / كامل شحاتة
فى لفته انسانية وهى ليست بجديدة على إدارة كلية بعميدها بوكلائها بامين كليتها بمسئولى العلاقات العامة بها بل بكل موظفيها وضعت هدف اوحد امامها واجمعت عليه وهو التميز بجانب النجاح حيث استجاب عميد الكلية الدكتور معتز لاتصال هاتفى من إحدى طالبات الكلية تستغيث به بعد ان فشلت فيمن حولها فى فتح باب السكن الذى تقطنه هى وزميلاتها لتصل للامتحان وعلى الفور يرسل عميد الكلية وكيله الدكتور صفوت ومعه امين الكليه بعربيته الخاصة ليحقق رغبة طالبتين فى حضورهم فى وقت قياسى لاداء الامتحان واليكم القصة كما ترويها روان طالبة كلية الطب البيطرى بجامعة المنيا :
كنت حابه احكي موقف حصلنا النهارده يمكن لو كنت في كلية تانيه غير بيطري المنيا مكنش ده هيحصل ..
النهارده اتقفل علينا باب السكن حد نسي المفتاح من بره واحنا جوه مش عارفين نفتح ومش عارفين نتصرف وبقالنا حوالي ربع ساعه بنحاول نفتح ومستنيين اي حد يعدي في الشارع يحوشلنا المفتاح من بره ولحظنا مكنش فيه حد في الشارع خالص ونرن ع عمو بتاع السوبر ماركت مش بيرد لغايه ما جت الساعه ١٠ الا خمسه كلمت دكتور معتز (عميد الكليه) ع اساس اننا ممكن نتأخر ربع ساعه عشان الباب مقفول ومش عارفين نعمل اي وكلنا بنعيط
دكتور معتز فضل يهدي فينا ومفيش حاجه هتحصل وقالي دكتور صفوت(وكيل الكليه) هيركب وهيجيلكم يفتحلكم الباب متقلقوش
وقد كان .. دكتور صفوت من ساعه ما طلع من باب الكليه وهو معايا ع التليفون بوصفله مكان السكن هو واستاذ اشرف امين الكليه وبيهدي فينا عشان منتوترش عشان الامتحان لغايه ما وصل وفتحلنا الباب ومفيش ثواني ورن دكتور معتز وفضل معانا ع التليفون لغايه ما دكتور صفوت وصلنا الكليه بعربيته وكان دكتور معتز واقفلنا ع الباب عشان يدخلنا اللجان ودكتور صفوت وصل البنت اللي كانت معايا لباب المدرج
حقيقي احنا لو كنا في كليه تانيه غير بيطري المنيا محدش كان هيعمل اللي عميد ووكيل الكليه عملوه وكمان استاذ اشرف امين الكليه وانا وصحابي حرفيا عاجزين عن شكرهم
لذا كان لزاما علينا كمجلس ادارة جريدة الاضواء أن نسلط الضوء على سيادته كنموذج مشرف يحتذى به على مستوى الجامعة و المحافظة ليحذوا الجميع حذوه حتى تنعم مصرنا الحبيبة وجامعاتنا العريقة بالرقى والتقدم والازدهار:
ومن جانبها تقدم إدارة جريدة الاضواء جزيل شكرها بالطبع لمعالي عميد الكلية اد معتز ومعالي وكيل الكلية اد. صفوت ولسيادة امين الكلية ا. أشرف نصرت.وللاستاذة سهام صبرى مديرة العلاقات العامة. للأيجابية في التعامل والتصرف من واقع المسئولية حرصا على مستقبل الطلاب
