المفيـــــــش

** المفيـــــــش **

—————————-

يخرب شيطانك ياجدع

إيه كل الضحكة ……..

ديه

قولي جايبها منين

في الدنيا الْمُرَّه …..

دِيَّه

والْكُلْ دايس عليك

يابني ومَالَكْ ……

دِيَّه

يخرب بيت ضحكتك

وجمالها فــ الــ ….

مِلَاغِيَّه

مضروب بِمِيتْ قبقباب

تقولش الضرب ……

غِيَّه

مطرود من كل باب

وتقول ياانا ……

ياااهي

لا عمرها هتكسرني

مهما إن جَتْ …..

عَلَيَّ

يخرب شيطانك ياجدع

عارف إزاي ……..

تعيش

إزاي وكُلَّكْ وجع

مـ اللي

متعلمتوش

مليان وفيك من البدع

بلاوي ما تتــ ….

حكيش

عامل مش واخد بالك

وتقول عادي …….

مفيش

دي الدنيا وردة وفلة

مرشوشه سنتـ…

رفيش

تنداس….. تقول

…. مفيش

تحتاس….. عادي

….. مفيش

بقى المفيش دا نَقْبَكْ

مشهور زي …….

الفنكوش

يخرب بيت ضحكتك

اللي قايمة …….

تبوش

في البحر اللي محاوطها

وانت عَمَّال تِعَافِر

وتقول تِجِيش

نعيش

#🖌️ مايسة إمام