مقال
إدارة الخلافات الزوجية
بقلم د : امال ابراهيم
استشاري العلاقات الأسرية
أوقات الزعل بين الأزواج مش بتتحل بالكلام الكتير، ولا بالمنطق الجامد، ولا حتى بالشرح والتبرير. المشكلات الحقيقية بتتحل لما كل طرف يحس إن التاني “حاسس بيه”، مش بيحاسبه.
لما الزوج أو الزوجة يحط نفسه مكان التاني، مش فوقه.
لما يختار يحتوي بدال ما يحاسب، ويطبطب بدال ما يفتح الجرح تاني بكلام جارح.
لما يسمع عشان يفهم، مش عشان يرد أو يثبت إنه صح.
في لحظات الزعل، اللي بنحتاجه مش شخص يقيم تصرفاتنا، لكن شخص يقول:
“أنا حاسس بيك.. ومش هسيبك لوحدك.”
الضمة اللي بتيجي وقت الوجع ممكن تصلّح اللي الكلام نفسه مش عارف يصلّحه.
والقُرب وقت الزعل علامة حب حقيقي.. بيقول إنك أغلى من الكرامة ومن العناد.
القلوب بتتصالح بالحنان، مش بالعقل.
نظرة فيها خوف عليك.. لمسة فيها طبطبة.. كلمة بسيطة تقول “أنا جنبك”
كل ده يوصل أسرع من أي منطق أو تحليل.
المشكلة تبدأ تتحل مش لما نقنع الطرف التاني،لكن لما نريّحه.. لما نحسسه بالأمان..
والراحة دي هي أول خطوة في طريق الصلح.اللي بيحاول يكسب النقاش وقت الزعل، غالبًا بيخسر الشخص.لكن اللي بيكسب القلب..عمره ما بيخسر العلاقة فكرة اني جنبك ومقدرك أننا ممكن نختلف في الرأي لكن مشاعري تجاهك مش بتتاثر حب بيكبر احنا نختلف ونتفق وتقرب من بعض أكثر …
الخلافات مش نهاية الطريق… ممكن تكون جسر يوصلنا لبعض.أحيانًا الخلاف مش دليل على البُعد، بالعكس…هو دليل إن فيه حاجة محتاجين نفهمها، ونقرّب أكتر علشان نسمعهاالخلافات مش تهديد للعلاقة،
الخطر الحقيقي هو في الطريقة اللي بنتعامل بيها معاها
الحب الحقيقي مش إنه ما يحصلش خلاف،الحب الحقيقي هو إننا نتمسك ببعض “رغم” الخلاف،ونحوّله لجسر يقوّينا… يوصلنا لنقطة جديدة…
