الخطوبة فترة للتعارف .. مش للحب و الخروجات و الهداية فقط
يعني ايه للتعارف ؟
يعني نعرف اهل بعض .. طباع بعض .. العيوب اللي في بعض
ونشوف ايه ممكن نتقبله في بعض .. و ايه مش هايناسبنا
اي قرار مبني على عواطف غالبا مش بيكون صحيح بنسبة كبيرة ..
عشان كده بنقول فترة تعارف.. مش وحشتني و حشتك و ننام على صوت بعض ..
العواطف هتخلينا نتعلق ببعض و بعد مانتعلق ببعض .. هانتعمي عن عيوب بعض .. ومهما اللي حوالينا يقولنا ده ماينفعش … احنا بنقاوح و نقول لا بعد الجواز هايتغير
للاسف محدش بيتغير بعد الجواز .. احنا بعد الجواز بنفوق من سكرات الحب بتاعت الخطوبه و البدايات … فابنشوف الحقيقة
عشان كده بلاش نبني الجواز على الحب فقط .. خلينا عمليين اكتر ..
بمعنى .. اننا ناخد بالاسباب وبعد كده كل شي؛ نصيب
.. وتعالو نرتبهم
نستخير ربنا … يعني نوكل ربنا امرنا كله .. و نشوف الاشارات .. والاشارات هنا مش احلام زي مابنسمع
لا .. الاشارات هو الارتياح و التيسير
لكن لو لاقينا عدم ارتياح و تعقيد .. يبقى ضروري نوقف
وقبل الاستخارة طبعا
القبول ( يعني ان اقدر اشوف الطرف التاني ده نفسي في علاقة حميمية معاه من الاخر )
بعد القبول .. نشوف الطباع .. ايه يناسبنا و ايه لا
ايه ينفع فيه التنازل و ايه لا
لان احنا مش بنفصل قميص على مقاسنا بالظبط
احنا بنوفق
تالت حاجة نشوف لغة حب كل طرف مننا .. يعني الحب بالنسبه للطرف التاني معناه ايه
والاهم من ده نشوف لما هنتخانق .. هنتخانق ازاي …
وده مش عيب اننا نشوف لما شخص فينا يتعصب التاني يعمل ايه او لما طرف يغير او اي كان المشكلة
ده لو عاوزين نكمل سوا
فا فترة الخطوبة فترة للتعارف .. خدوا وقتكم فيها .. و بلاش العواطف تأثر على قرارتكم .. لان انتوا بتبنوا حياة فيها اطفال مالهمش ذنب في اختيارتكم اللي كانت مبنيه على عواطفكم فقط .
