الأم
يا بني خد نصيحة مني وفي راسك شيلها
امك زي ما شالتك وانت صغير
في نن عينك يا بني شليها
و اوعى يوم تهينها ولا تبكي عينها
لان خيرك كله جاي من رضها عليك وخيرها
وقوم الصبح خد بركتها وقبل نومك من حنانك زدها
وبلاش تقسى عليها أو تفضل عليها غيرها
هى الشمس بيتك مش حد غيرها
وكن عينها و عكازها لما تكبر
وزي ما هى شلتك انت كمان شيلها
وفكر في رضاها بعد ربك مش في رضى غيرها
وقول يارب احفظ امي اللي مليش بعدك غيرها
وصونها في الدنيا ويوم ما تلقاك
اجعل جنتك منزلها
واسقيها من ايد حبيبك
ونور بحبك لها جبينها
دي هى نور عيني
وعيني مش بتعشق بعدك انت وحبيبك غيرها
بقلم
عاشق القلم
أنور شوشة
