كلامنا واضح
كلامنا واضح
بقلم/ عمادالأبنودي
اسمع مني وخدها نصيحة
مصر بلدي ماهيش للبيع
و أي كلام مبدأه مرفوض
ااالرد عليه هيكون فظيع
هيه العرض و هيه الأرض
و نقولها كده بعلو الصوت
حبنا ليها بالطول و العرض
و لو نهايتنا آخرها الموت
لازم تفهم يالي فى باااااالي
و يللي هدفك هدمها طوالي
و ياما تخطط لأجل سقوطها
ربنا حاميها دايما ليلاتي
خلف حدودها تلاقي أسود
و قلوب كتيره دايما أكتر
صرختها عالية تهد سدود
احذر مليون مرة .. و فكر
ماحناش هنحكي عن التاريخ
بصمتنا ظاهرة بكل مكااان
و كلامنا واضح دوماً صريح
يشهد شموخنا عبر الزمااان
مابنعاديش غير اللي يعادينا
و يخد … حق أصلاً لينا
عمرنا ما نكون لقمة سهلة
و حذاري للي يقرب أراضينا
احنا نااااس طبعنا الطيبة
و بلدنا مصر دي أم الدنيا
فيها الحب أصل و طيبة
و حضن حنانها قد الدنيا
قولوا … للخونة والغدارين
مصر كبيرة في الأنساب
و أظن عارفيناها من سنين
وشمس وجودها عمره ما غاب
