يلا بينا نرسم دواير

يلا بينا نرسم دواير
بقلم/رفيدة الشافعي
تكبر وتصغر حلقات الدواير
 شمس صباحنا جوه دايره
 ندور فيها جوه دايرة أرضنا
نسعى فيها نعمر بالحب وديها
نقعد على شطها نحكي الحكاوي
نغني علي الوتر أحلي أغاني
نحفر حفرة كبيرة ونقعد حبه
نلعب بكورة مدورة ولا بالحبل
نطه بنص دائرة نرسم  علي شطها
دوائر دواير نبني قلعة جوه
دائرة نكتب في دواير اسم الحبايب
 احلامنا نعلى فيها وتعلي بينا
تيجي موجة تهد نبنى تانى
نعلى أكتر جوه دايره من جديد
 لحد ما يطلع دايرة قمرها
ينشر في السماء نجومها
 تلمع في عيني أسرح بفكري
 واعمل دواير أركب بساطها
 والريح تأخدني لدايره تانية
 احلامي تكبر بدايره اكبر
 اركب شراعها خد همك
ويا همي جمعه في نسيج
زجاج واكسره واكسر معايا
 كل القيود حطم معايا الف
سور هيمنعك حلمك كبير
 اوعى تضعف أو تميل انطلق
 أرضك خضار مش أرض بور
عقلك على قد ما تقدر كبره
ومن تاني راح تشوف
 شمسها بدايره اكبر تكبرك
طاحونة دائرة لفي يا دنيا
جوه دايرة كبري واكبري
ويلا بينا
نرسم دواير