سلوك الطلاب فى المدراس والقدوة الغائبة ! كتب: محمود جاب الله اتضح ان بعض المدارس الدولية فيها انحطاط اخلاقي اكتر بكتير من الحكومية لانهم ظنوا ان كل شيء يشترى بالمال كالاخلاق مثلا أو التربية وللاسف لما الاهالي مش فاضية تربي ولادها وبناتها يبقى مفيش ملامة على المدرسة من ساعة ما الفلوس سيطرت علي التعليم و بقي منظرة و أولياء الأمور بيتدخلوا في كل صغيرة و كبيرة و ممكن يمشوا مدرسين.. بقي مفيش اخلاق و لا تعليم زمان مدارس الحكومة اللي ببلاش كانت بتربي و تعلم الاخلاق لا ترتبط بالمستوى المادى وانما أساسها التربية والدين والأصل الطيب ،فقد تجد غنى مرتشى وتجد فقيرا شريف ،وقد تحد غنى لصا وتجد فقير شريف ، وقد يحدث العكس تماما .إذن العبرة بالخلق الكريم والدين والتربية الصالحة .اين القدوة والمثل الأعلى للطلبة ،فلم يعد عندنا الاستاذ القدوة بين طلابه فى شخصيته وسلوكه وفى علمه وأخلاقه .أصبح الطالب لا يجد من يقتدى به فى حياته إضافة إلى ذلك انشغال الام والاب بالماديات والأمور الحياتية ،مما تسبب فى ضياع ابنائهم وتقديمهم فريسة سهلة لرفقاء السوء . انقذوا ابنائكم قبل فوات الاوان..
