عشان تحافظ على اللى فات

عشان تحافظ على اللى فات
كلمات الشاعر محمد عبد العزيز رمضان
عشان تحافظ على اللى فات
على اللى بينا والذكريات
أوعاك تخبي أى حكايات
الحب بينا ماهش ساعات
ولا لحظة حلوة أو ذكريات
أنا مش هقولك الحب مات
ولا هرضى منك لحظة سكات
قدرت تنسى كل الحجات
رجعلي عمري ولروحي هات
أرحم دموعي وسنين آهات
حياتي بعدك حزن وشتات
عشان تحافظ على الوداد
بكفاية قسوة وطول عناد
العهد بينا ما فيش بعاد
يا أغلى عندي من الفؤاد
روحي وحياتي والمراد
أنا كنت قبلك زى الجماد
مدفون ياقلبي تحت الرماد
من بعدك أنت كان الميلاد
والحزن عدى راح الحداد
أوعاك ياقلبي يفوت المعاد
ونور حياتي يصبح سواد
وأتوه يا قلبي بين البلاد
يا نبض عمري ولروحي زاد
عايش حياتي حيره وسهاد