هما كلمتين.. هاااي.. و بااااي
هما كلمتين.. هاااي.. و بااااي ـ
كل يوم في نفس الميعاد .. فجاه .. باحس كل الافكار تسيب كل البشر و تيجي تقعد معايا في راسي .. وسهرة بقي صباحي و حكايات … و يا سلام ع الكلام اللي بيتردد بالساعات وبالتواريخ من زمن بعيد فات .. و شريط طووويل من الذكريات..اللي عاشوا و اللي ماتوا .. اللي تعبوا في حياتهم ..و اللي بعد عذاب .. ارتاحوا … اللي بيفكروا يتجوزوا ..
و اللي قلبهم من الفرحة طاير .. و يدوب خلفوا .. واللي افتكر ان عمره عدي من غير ما يعيش … حياه .. واللي نفسه يدق قلبه زي باقي خلق الله …
و كل واحد بحكايه و مواااال…..
واللي ربوا العيال و بعدوا و سافروا من غير سابق انذار ..و يدوب العلاقه بقت
مكالمه فون..و شات في كلمتين … هاااي و باااي .. و اللي عايشين في وحده .. كل حياتهم شوق زايد وحنين … و اللي اتجوزا و قلبهم من عشرة غلط مكسور و حاسس دائما بالآنيين … و اللي تاهت و احتارت .. يا تعيش مهزومه … يا تجازف بالحل و تختار…
هو مفيش ليه حد قادر يعيش مرتاح ؟؟ .. هو كله ليه في ساقيه و طاحونه بسرعه عجيبه بتدور ؟؟ هو ليه الناس من كتر ما لفت
و داخت مبقيتش شايفه الميزات و لا حاسه بالعيوب ؟؟؟
فكر شويه و خد هدنه و ارتاح … يمكن لو دورت في وسط مشاكلك تلاقي في وسط العتمه … طاقه نور … ممكن تلاقي حد جنبك .. حد شايل همك ولو بالكوم .. ولااحتمال يكون بعد الوجع قلبك بقي له مكان ؟؟؟ … ما هو مش معقول هيفضل تايه ووحيد وسط القلوب … اكيد في يوم …. رب الكون هيعوضك وشايلك خير كتير .. اكيد هيريح قلبك و يوفر عليك قلق ..و تعب ..وتفكير ..
