هلا بالغالي

. هلا بالغالي

يامية هلا ب عيالي
ياقمار و عم بتلالي
بجيتكم قلبي انشرح
ورح غني ع موالي

مخايل وفادي ياعزوتي
ياملقى السعد بديرتي
يا أمي غني وزغرتي
فرحتنا رجوع الغوالي

مستني اللقا من سنين
وضمة لولادي الغاليين
فادي ياعيني اليمين
مخاييل ياعين الشمالي

يامية هلا وقلناها
والضحكة منهم شفناها
مالها نهاية ولا منتهى
بدلت كل احوالي

طل العريس بجبينو
تا يعزم كل محبينو
الله محيّ أشابينو
منسهر معهم ليالي

ياعمام للعقال وميلوا
عن خيلكم بالله حولوا
كونوا بالملقى تكملوا
ياهلا ومرحب بالرجالي

يا أهل الكرم لوحليتوا
سمان الذبايح حللتوا
بوعبدو يشمر ساعدو
بالكرم ذباح الحيالي

د. غانم ع الخوري..