لو قولت،، اخبارك

لو قولت،، اخبارك، ♕
*****************
كركبت حالك ليه
مش لاقي يوم تشجيع

دي عنين ولاد الايه
بتشقلب المواضيع

و بتفتش اسرارك
حاسب عيون جارك

لو قولت اخبارك
الكل فيك ها يبيع

زمنك بييجي عليك
و يضفر،، اوجاعك

عمرك كأنه ناسيك
عاجز في اقناعك

سرسب كتير في سنين
رغم انت كنت حزين

مين اللي ساندك،، مين
غير ساندة،،، لدراعك

زمن السماح،، جَلا
و الشر ليك،، جلجل

مين اللي كان ولا
طيبته،، بتتحمل

كرمش في تجاعيدك
مين اللي ح يفيدك

و ان كان حمارك غُلب
ارجع،،، لتنهيدك!!!

*********************
اشعار / ياسر عبد، الحديد
*********************