ماعايزاش تروح

$ ماعايزاش تروح $

 بقلم/عماد الأبنودي 

      ********

مخنوق بجد مش عارف 

إيه أسباب الخنقه جوايا 

يمكن من تجاهل ناس 

مودها مش ماشي معايا 

مخنوق من حلم مكسور 

أعرج و ماشي الخطاااوي 

محبوس في زنزانه و سوار 

عمال ب حياته يعاااني 

يا بويا الليل ليه مطول …؟ 

و العتمة ماعايزاش تروح

و مسار طريقنا ليه متحول 

و جوانا الحشا اهو بينوح

ياااا جبال الصبر القوية 

اديني قطعة من توبك 

يمكن اااالقوة تبقا عافية 

و أصير ولدك و محبوبك 

قولولي إجمد ما تنخش 

خليك ياما كما الرجال 

أوقات الضيقه … ماتملش 

و لو قابلوا درب المحال 

متعشم .. ف بكرا يجيني 

و معاه شيلة من الأحلام 

تضوي بشعاعها .. تلاقيني 

دايس الصعب مع الأيام 

         بقلم 

  عماااد الأبنودي 

 17 , 10 , 2023