طريق شياطين

طريق شياطين

كلمات/ أيمن البكري

ليه تمشي ف طريق كله هلاك

دوست علي أملك حلمك مات

        ضيعت علي الوهم

     من عمرك أحلي سنين

قتلت كل حاجه حلوه كانت جواك

     مبقاش ليك أمل ولا دافع

       الشئ داه لو كان نافع

        كان نفع قبلك ملايين

         البدايه كانت بسيجاره

       وف الإخر ألف خساره

  ياما جتلك مليون علامه وإشاره

علشان تبعد شوف دلوقت وصلت لفين

     إل زمان سحبوك من إيدك

     مين دلوقت فيهم هيفيدك

   قابل لوحدك مصيرك ووعيدك

         مدمر مكسور وحزين

ضيعت فيك أمل إمك وأبوك

   بعد ماتعبوا عليك ربوك

  يبقي داه رد جميلك ليهم

     عمرهم يخلص ويفوت

    ومالهمش سند يحميهم

إخترت طريقك طريق شياطين

      إرفع إيديك وقول لا

  أنا مش عدوك أبدا” يا حياه

   ياما قابلك كتير ربنا نجاه

    لما رفع إيدوا ليه ودعاه

مفيش حاجه تستاهل مهما كان

إلحق نفسك قبل فوات الأوان