$ شماعة الأعذار $

$ شماعة الأعذار $
بقلم/عماد الأبنودي
…………………….
شماعة الأعذار اهي اتكسرت
من كتر ماشالت الأحمال
و كلمة معلش خلاص خلصت
من كتر ماقالوها فى موال
تجاهل ب تجاهل ايه يعني
هأعيش رايق و ماشي الحال
و اللي حبيته اتاريه بايعني
عادي مادام بعاده اهو طال
الندم على الماضي ده كدبة
مابتغيرش أبداً في الحال
خسارة تنزل من العين دمعة على واحد مايستهلش السؤال
عجب العجاب تشوفه بنفسك
لو حبك راح لواحد محتال
عمره مايحس نبض همسك
و كأنك أصلاً مش ف البال
و اتاريه عااايش بس لنفسه
بيبرر مواقفه بكام مقال
و يبعلك الوهم اللي راسمه
و يقولك للأسف الغرام محال
إحكم بيني وبينه يا قاضي
يرضيك كده بعده اهو طال
ونا قلبي عشانه لساه بيعاني
و يقوله كلام لساه ما تقال
،، بقلم ،،
‏عمااد الأبنودي
‏10 , 10, 2024