عيد الأم

أغنية
( عيد الأم )

الله يرحمك ياأمي
ياعايشة جوه دمي
من بعد ست الحبايب
مين يطبطب يسمي؟

النهاردة عيد الأم
حضن حبيب يضم
و ( ليل الغريب أنا )
لا له خال ولا عم
وحيد يبكي همي
الله يرحمك ياأمي

لمة الناس تفرح
أمهات خير ومطرح
( جمع يشرب هنا )
وفراق أم يجرح
جرح مكتوب بإسمي
الله يرحمك ياأمي

العيون سواقي ري
الأم حنان وضي
( بيت صدر المحبة )
دنيا ماليها زي
ضموها زي ضمي
الله يرحمك ياأمي

(عيد الأم 21 مارس)
ل حربي علي
شاعر السويس