قتلتها
إهداء إلى روح الطالبه الشابه نيره أشرف
كلمات أيمن البكرى
قتلتها ليه يعنى
علشان بتحبها يا إبنى
الحب عمروا ما بيقتل
ولا بيكسر ولا بيدمر
الحب يعنى تضحى
حتى لو هتبقى بعيد
هتفرح بردوا لو شفت
حبيبك وهو سعيد
ولو هى مش عايزاك
ليه تضيع نفسك
وتنهى حياة بنت ملاك
كنت حاول تبعد
يمكن كنت نسيتها
داه لو بتحبها فعلاً
ماكنتش هتقدر تشوف
غير ضحكتها
ياما كتير حبايب إتفارقوا
ولا ضاعوا ولا غرقوا
وعاشوا وكملوا عادى
لما إختارت واحد تانى
كان لازم تقدر داه
إنها مش حساك
وقلبها هى معاه
نهيت القصه بحياتها
أسوء نهايه ف الدنيا
الله يرحمها إرحمها يا الله
قتلتها ليه يعنى
علشان بتحبها يا إبنى
الحب عمروا ما بيقتل
ولا بيكسر ولا بيدمر
الحب يعنى تضحى
حتى لو هتبقى بعيد
هتفرح بردوا لو شفت
حبيبك وهو سعيد
