خواطر وأشعار
أحزان…….
إهداء إلى روح الإعلامى القدير / وائل الإبراشى
” أحزان ”
الشاعر : خالد فضل
كل يوم حزن وبكا
علي الحبايب
اللي سافر واللي هاجر
واللي غايب
واللي ساب دنيتنا
من غير أي نايب
تسوي ايه الدنيا
من غير الحبايب
إلا كدبه كبيره جدا
وحبل دايب
الفراااق آه م الفراااق
لسه مش عايز يسيبنا
خلص الفرح اللى باقى
جه وعشش جوه بيتنا
والعيون .. جوه العيون
مرسومه دمعه
والضحكه ملهاش اى معنى
والبكا دايما جامعنا ومحاوطنا
الفراااق آه م الفراااق
لسه مش عايز يسيبنا
خلص الفرح اللى باقى
جه وعشش جوه بيتنا
ياحزن ماتسيبك بقى
وتحل عنا
خلينا نفرح لو يومين
وتبقى تآنسنا
الجروح جوه القلوب
كترت اوى
والالم زاد ف الضلوع
زاد بالقوى
الفراااق آه م الفراااق
لسه مش عايز يسيبنا
خلص الفرح اللى باقى
جه وعشش جوه بيتنا
