أخبار مصر
بنت بلدى…..
” بنت بلدى…..
للشاعر : خالد فضل
يابنت بلدى
ياغاليه عندى
ياواقفه جمبى
وسانده ضهرى
ياأحلى حاجه
خلقها ربى
ياورده بيضا
و بستان مواردى
ياعيون ياسوده
والخد وردى
والشعر موجه
عايق وخوجه
هدت ل عندى
بعشق هواكى
ماقلبى معاكى
والروح تروح
دايما معاكى
يابنت بلدى
يابنت بلدى
إنتى الحكايه
بدايه ونهايه
وإنتى الحقيقه
لكل آيه
وانتى الهدايه
وانتى الغوايه
وانتى الأمل جوايا
انتى اللطافه
وانتى الخفافه
وضحكه عايشه معايا
يابنت بلدى
ياتمر حنه
يانار وجنه
والدنيا جوه مرايا
تسهر عيونى
تحرس عيونك
وليلنا بيت وحمايه
ونجومنا طالعه
شموع ووالعه
وشايفها ماشيه معايا
من غير دليل جوايا
يابنت بلدى
أنا روحى فيكى
ورايحه ليكى
وبتناديكى
خليكى جمبى
وساكن قلبى
ووعد منى
هكون طريقك
حُضن وحاميكى
والسُكنه ليكى
وأميرة جوه حكاية
