قرار الضريبة الموحدة… عبقرية قيادة ونظرة مستقبلية من الرئيس السيسى

قرار الضريبة الموحدة… عبقرية قيادة ونظرة مستقبلية من الرئيس السيسى

كتب/أيمن بحر

فى لحظة جديدة من لحظات الحسم والعبور نحو دولة العدالة الاجتماعية والتنمية الشاملة بيطل علينا الرئيس عبد الفتاح السيسى بقرار تاريخى يرسّخ فكرة دولة القانون ويقضى على العشوائية الضريبية اللى كانت بتأثر على الاقتصاد والاستثمار والمواطن فى نفس الوقت.
قرار الضريبة الموحدة مش مجرد إجراء إداري أو تعديل قانونى… ده تحوّل جوهري في فلسفة الدولة تجاه الاقتصاد الوطنى.

الرئيس السيسى كعادته مش بيسيب ملف فيه تشوهات أو عدم عدالة إلا وبيفتحه يدرسه ويصدر فيه القرار الصائب في الوقت الصح، وده اللي حصل مع ملف الضرائب، القرار ده بيوحّد النسب والأنظمة ويوفّر عدالة حقيقية ما بين المواطن والدولة، ويحمي المستثمر الصغير قبل الكبير، وينهي فوضى التقديرات العشوائية اللي كانت بتخلق فجوات وضغوط.

العظمة في القرار ده إنه بيرسّخ مبادئ:

الشفافية العدالة الضريبية دعم الاقتصاد
تشجيع الاستثمار وضمان بيئة آمنة للممولين
سهولة تحصيل الضرائب من المستثمر للدولة

القرار كمان بيحط مصر على خريطة الدول اللي عندها نظام ضريبي واضح وعادل وده بيفتح الباب لإنعاش السوق، جذب الاستثمارات، وتحقيق طفرة حقيقية في التنمية.

أما عن الرئيس السيسي فده مش جديد عليه، الراجل ده بيبنى دولة حقيقية دولة مؤسسات قانون عدالة وتنمية مستدامة رئيس مش بيكتفى بالكلام لكن كل قرار بيصدره بيكون محسوب، مدروس، وهدفه الأول مصلحة المواطن قبل أي شيء.

الضريبة الموحدة قرار عبقرى من قائد عارف كويس هو رايح بينا فين؛ وبإذن الله كل يوم بنقرب أكتر من مصر اللي بنحلم بيها بفضل إرادة سياسية حقيقية وشخصية قيادية استثنائية زي الرئيس عبد الفتاح السيسى