خواطر وأشعار
لمين اشكى …..
– لمين اشكى …..
—-كلمات الشاعر احمد جابر سويلم
مبلاش يادنيا تلعبينى
ساعة افرح وباقى اليوم تبكينى
عملت خدى مداس
دوستى عليه وفتينى
جات الهموم تسئل عنى
ماعرفشى ايه قصدهامنى
توبى القديم لسه عليا
ملقيت جديد ينفع ليا
عايش ومدارى فى حالى
مافاتنى صاحبى فى احزانى
زود همومه فى اوزانى
يادنيا عاجبك احوالى
زيدى يادنيا فى احمالى
ياليل ظلامك من همى
ماحد فيك جه كلمنى
النوم خصمنى وسهرنى
والفكر زاد ومحيرنى
مليت وقلت اشرب كاسى
لقيت دمعى فى احساسى
كاس الخمور ده مش كاسى
قلت ياصبر املا كاسى
فى خلوتى قلت اصلى
واشكى لربى احساسى
لقيت دموعى جايه تواسى
رميت حمولى على ربى
نصفنى ربى ونجانى
وشال كمان عنى احمالى
راحت همومى واحزانى
وافراحى عادت من تانى
شكرت ربى اللى خلقنى
يارب تمم اوصالى
يارب تمم اوصالى
