الرئيس السيسى: نحترم الحرية الدينية.. ولو أنا عندى مواطنين يهود هعمل لهم معابد
كتب/ أيمن بحر
قال الرئيس عبدالفتاح السيسى إن مصر ملتزمة بحماية دير سانت كاترين. وأضاف الرئيس السيسى فى مؤتمر صحفى مع رئيس وزراء اليونان فى أثينا: اتكلمنا على موضوع دير سانت كاترين، واسمحوا لى وبمناسبة إن المؤتمر ده الناس هتسمعه فى مصر، احنا فى مصر بنأكد على كلام وهو احترام شديد جدا مش للآخرين لكن التعدد والتنوع للنسيج الإنسانى وده مكنش طرح، كان ممارسات، أنا انزعجت بشدة، عندما تم تناول بشدة إن مصر ممكن تقوم بأى إجراء سلبى مش عشان مكانة الدير، ده يتعارض مع ثوابت السياسة المصرية فى الفترة الصعبة بعد 2013 قمنا بإعادة بناء الكنائس اللى حرقها المتطرفين.
وأوضح الرئيس السيسى: لو عندى مواطنين يهود هعمل لهم معابد لهم الكلام اللي بيتردد مش هيحصل وأى كلام تانى محدش يصدقه لو أى حاجة مرتبطة بالدير مستعدين بكل المودة ممكن نعملها لأن ده أمر يحمل بين طياته وفات قديسة منذ 1500 سنة فى مصر وبتكلم مع كل الناس اللي بتيجي تزور مصر روحوا الدير لقديسة كانت مؤمنة فى وقت مفيهوش إيمان الكلام اللى على مواقع التواصل لا يمكن يكون موجود.
واختتم: اليونان قامت بدور كبير جدا على الأقل فى المحفل الأوروبى عشان تشرح ما يحدث فى مصر- يقصد فترة ما بعد 2013- ودى كانت فترة صعبة وده أمر مهم وبيأكد العلاقات بين البلدين.
