اللي يزعل… يزعل من نفسه
بقلم د.رانيا فتيح
كلامي هنا موجه لكل اب واخ وزوج
ازاى اسمح لراجل غريب يدخل أوضة عروستي بحجة أنه كوافير وبيزينها للخطوبة أو الفرح
وبتكون البنت لبسه ومش لبسه
جسمها كله مكشوف وتقعد مع راجل غريب ماسك شعرها بيسرحه وواحد تاني بيعمل لها المكياج وراجل تالت بيصور ده كله
وهي أعده في بؤها اللبانه وبتترقص يمين وشمال
وينزل لنا كل البشاعة دي ع النت والعالم كله يتفرج
وتخرج اوض النوم لكل الناس تشوف التجهيزات قبل العرس
فين هنا الرجولة
اسمحوا لي اي بنت بتعمل كده هي بنت عديمة الاب والاخ والزوج
عديمة الحياء والتربية
عديمة الدين والأخلاق
يا بنتي الحرية مش كده خالص
انتو ا يا بنات ويا امهات ويا آباء فاهمين معني الحرية غلط
الحرية الغير مربوطة بالصح والغلط الغير مربوطة بالحلال والحرام
اسمها(تسيب)
لان الحرية لابد أن ترتبط بالدين والأخلاق والحياء والعادات والتقاليد في كل عصر وكل أوان….
#يا أمة محمد عوزاكوا تزعلوا اوي من نفسكوا وعلي نفسكوا
وتتوبوا وترجعوا لله
