القيامة خلاص قامت،،،،

القيامة خلاص قامت،،،،

وأمة العرب في العسل نامت
والكل من بعيد بيتفرج وعامل نفسه مش شايف و ساكت ،،،،،

وغربان الغرب عششت واتمكنت
واعوانهم علي الكراسي اتسكنت

وفي الولاء والتطبيع احنا ناس حلوة وكمان بنطيع وبقينا أصحاب و اخوات،،،،

وبين الحفلات والمهرجانات
مشغولين ومش فاضين ،
ونجوم قال ايه عالميين وعري واستهزاء بالإسلام وبالدين ،،،،،

الحكاية بقت بصراحة مهازل خلتنا نصرخ ونقول هو في ايه يا ولاد شكل

القيامة خلاص قامت ،،،،،

وناس جمبنا ومن اهلنا بين الجوع والعطش وتحت جحيم القصف بالالوف في الخيام ماتت،،،،

السوس بينخر في الجسد والعرب محتاجين رقية من الحسد يمكن تقوم ليهم قومة قبل القيامة ماتقوم،،،،

القيامة خلاص قامت .

بقلم الكاتبة دكتورة لبني يونس