الحسد قتل بن الشرقية

الحسد قتل بن الشرقية
وكمان خرب بيوت كثيرة
في الوش بيقولوا غيرة
قاتلة حقد وكراهية
الباب أمام الباب عينهم باصة
علي الدار واخدين بالهم النظرة
رصاص مدفع رشاش فرقة
وهجر وهما ما صابهم حاجة
أه من الريف والعيشة
بالريف أه منهم ستات عجوزة
عدت السبعين وتبص باصة
حقد ما أنت أخدتي يا حاجة
زمانك عايزه لسه اية
عالم م الكبير للصغير حاقدة
نار قايدة مش بتطفي به
قلب الحاقد والحاسد بصراحة
أيامهم سودا ذي قلوبهم السودة
أدمهم فقر هجر وفراق وايه
كمان شاغلين رش وساحرة
أه من كهن ستات بتدعي طيبة
وهما اباليس شيطانه
الحاجة اللي لبسه
قناع ووراها مصائب عايشة
أه منهم أصحاب قلوب سودة
غل وحقد وحسد مجرد باصة
مصائب جايه بالكوم و بلحظة
مجرد لحظة ونظرة
أمراض وخراب عينها قادرة
من واقع حياة
الشاعرة حميده الحنفي
الاثنين ٢٠٢٤/٩/٢