اهدا الي كل ناكر الجميل
اهداء الي كل خاين العهد
اهداء الي كل قاطع الود
اهداء الي كل خاين العيش والملح
ياللي عليت البيت
فاكر نفسك بانيه
دا كرم مني سايبك فيه
وببجاحتك ساكن فيه
ياخسارة شقايا عليه
ياللي عليت البيت
وفاكر نفسك بانيه
دنتا عايش بيا
وخت كل اللي في ايديا
وكنت عامل من الأوليا
لما سكنت عطيت ضهرك ليا
ياللي عليت البيت
وايه فاكر نفسك بانيه
كنت فين من زمن فات
كنت مش لاقي حته فيها تبات
ولولا العبد لله كان زمانك في متاهات
ياللي للبيت عليت
اوعي تفتكر انت اللي بانيه
هو انت ناسي تعبي وشقايا فيه
وهي التعليه دي كدا بالساهل
كنت فاكرك تستاهل
ياخسارة طلعت ناكر للجمايل
وبس من الحقد والجحد شايل
بس شاطر تلهف كل اللي له انت طايل
ياللي عليت البيت
واعمل ايه في دنيا كلها عصافير
تاخد غرضها وتطير
وهي اصلا عاوزه التطهير
ياللي عليت البيت
وفاكر نفسك له بنيت
وكل نقطة عرق
وكل حته في الجسم
اللي من الشمس اتحرق
كل نقطة دم
وقعت وبسببها شيلتني الهم
مش مسامح فيه
ملعونه يادنيا ياللي طاوعتيني
وخلتيني م التعب طلعت عيني
ليه سكنتي العصافير فيه
ماهو دا منك يادنيا
جعلتي للعصافير
سكن فيه
وياللي للبيت عليت
وفاكر نفسك بانيه
.
بقلمي محمد سليمان
