هل فعلا الملك فاروق شرب 6 أزايز كازوزه بدون ما يدفع الحساب

هل فعلا الملك فاروق شرب 6 أزايز كازوزه بدون ما يدفع الحساب

كتب يحي محمد الداخلي 

👑قصه ظريفه رواها دكتور رشاد

👑 الملك فاروق كان متعود يركب عربية من عربياته و يروح بيها مشاويره من غير الحراسه او التشريفه او اى شيىء من المظاهر التى تصاحب الملك فى تنقلاته .. ا 

👑كان الملك فاروق بيحب يمارس الرياضة عشان يحافظ على وزنه 

👑 بس كان ذينا كلنا بيحب يشرب

الحاجه الساقعه او البيبسى كولا كتير خالص .. 

👑وفي مرة بعد ما خلص ممارسة الرياضة بتاعته كان مستعجل واضطر يركب عربيتة البونتياك و يسوق بسرعة من المنتزه لراس التين .

👑في نص الطريق عطش 

فوقف جنب كشك كازوزة علي الكورنيش وقال للراجل ممكن اخد واحدة سباتس قاله اتفضل 

فاروق قاله بس انا مش معايا فلوس دلوقتي ..

👑 رد صاحب الكشك و قاله مش مهم .. 

👑فاروق قاله انا بشرب ٥ او ٦ .. قاله خلاص اشرب.. فاروق شرب ٦ ازايز كازوزة .. و شكر الراجل ومشي ..

👑 اول ما وصل راس التين أستدعى الدكتور يوسف رشاد سكرتيره واداله كيس وقاله سلم الكيس ده للراجل بياع الكازوزة و شرحله هو فين بالظبط .. يوسف رشاد ركب عربيته وراح وقف عند الكشك .. الراجل شافه اتخض و افتكر انه هيعمل زى الملك يشرب الكازوزه من غير ما يدفع .. دكتور يوسف رشاد نزل من العربية و ادى لصاحب الكشك الكيس .. ففتحه الراجل لقي جواه ٦ جنيه دهب .. اتخض وقاله ده دهب .. قاله ايوة باعتهولك اللي شرب الكازوزة و ما دفعش .. قاله ليه و مين الشخص ده .. رد عليه دكتور رشاد و قاله .. اللى عدى عليك كان الملك فاروق..