ليه

ليه
ليه تبيعني وانا شاري
وبين الهجر مداري
ولا علشان ماخالفتك
تقوم تكفر بأفكاري
يالي علامك كان علامه
فرق معايا كتير وياما
ليه راح تردم جوه قلبي
ليه بتحملني الملامه
لو بايدي ماكنت سيبتك
عايش في ظل ابتسامتك
ليه بتحرمني ياقاسي
من روعة أدبك وسمتك
ده انت ودك كان مقاسي
ليه تسيبني ليه أقاسي
ليه تضيع من إلهامي
انت عارف وانت راسي
قد ايه من قلبي قريب
انت أخويا ومش غريب
انت واخد من قلبي حته
انت تأثيرك كان عجيب
اياك تستهتر بقلبي
ولا تطفي النور ف دربي
اياك تكسر مقاديفي
فمعايا ربي وهو حسبي

محمد نور