إستقيموا يرحمك الله

إستقيموا يرحمك الله

كتب/سعيد ابراهيم

من ساعة ما الكاكاو بقي هوت شوكلت
والبليله بقت بينز
والفشار بقي بوب كورن
والملوخية بقت جرين سووب
كله كوم والجرين سووب دى كوم لوحدها طبعاً
والقهاوي بقت كافيهات
والقهوه نفسها بقت كوفي ايشي تركش واميريكان و اسبرسو
وكمان الحليب بقي ميلك
ومن ساعة ما الكلسون بقي ليجن
والبقسماط بقي باتون ساليه
والفطير بقي اسمه كريب
من ساعة ما العري بقي open mind
والهدوم المقطعه بقت ستايل
والمخدرات بقت روشنه وصياعه
وكمان بقي عندنا Single mother و Single Father
برضو علشان محدش يزعل ويبقى فيه مساواة
من ساعة ما الراجل بقي مُز
والبنت بقت رجوله
من ساعة ما الوطنيه بقت عماله
والتدين بقي تخلف
والعادات الشرقيه بقت بيئه
“والسلام عليكم” بقت بلدي
من ساعة ما الخلافات بقت onLine
والزعل بقي Block
والطعميه بقت جرين بورجر
green porger
والضحك بقي ايموشن
وكمان بقينا نكتب عربي بحروف انجليزي
وسميناه فرانكو من باب الروشنه
ومن ساعة ما البني آدم بقى قيمته فـ لبسه ونوع موبايله
مش فى أخلاقه واحترامه
من ساعه ما بقينا نحس بالوحده في وسط اهالينا
من ساعة ما القرايب بقوا عقارب
والصحاب بقوا عرر
واحنا اتغيرنا اوي

يا خلق يا هووووووووو
اناقة الفكر وجمال الروح هما مقومات الجاذبيه والرقي الحقيقى وليست الجاذبيه والتحضر بعوج اللسان والتقاليد الاعمى
إستقيموا يرحمك الله.
حفظ_الله_مصر