في ذات مرة كان الأستاذ ” مفيد فوزي ” في برنامج حديث المدينة ذاهب إلي بلدة الفنان المطرب ” محمد ثروت ” وقد وقف أمام فيلا مكتوب عليها فيلا المهندس ” محمد ثروت ” وقد قال له هذه فيلا الفنان ” محمد ثروت ” وتم الرد عليه نعم هي وفي مصنع ومزرعة كمان لمحمد ثروت وبعدين سأل محمد ثروت وقاله هوه ليه كاتب علي فيلتك ” فيلا المهندس محمد ثروت” مش “الفنان محمد ثروت” فرد عليه وقاله لأن أصلا أنا مهندس ولولا الهندسة مكنتش عملت حاجه من اللي انت شايفها ديه فرد عليه مفيد فوزي ورد قال ليه .. الله يعني الفيلا والمصنع والمزرعة مش من الغناء فرد عليه الفنان” محمد ثروت ” وقال ليه أنا لو كنت إعتمدت علي الغناء وبس كنت شحت بس يا أستاذ مفيد أنا هقولك على موقف حصلي من زمان مع رجل الأعمال الكبير المهندس ” عثمان أحمد عثمان ” (مؤسس شركة المقاولين العرب_ أحد أكبر شركات المقاولات في الشرق الأوسط) لما باشمهندس عثمان سمع صوتي نادني وقالي تعالي يا محمد وقالي كلمة عمري ما نسيتها قال ليااا يا محمد انت مهندس اوعي تنسي في يوم انك مهندس لأن الهندسة ديه هي اللي في يوم من الايام هتنقذك لما الحال يضيق عليك وأنا فعلاً يا أستاذ مفيد الهندسة هي اللي سندتني لحد دلوقتي يعني أنا دلوقتي مش بشتغل زي زمان ولا كنت بغني في “نايت كلاب” ولا أي حاجة ولولا الشغل اللي عملته بالهندسة كنت زمانك طالع في برنامجك دلوقتي بتقول في مطرب من المطربين الكويسين اسمه محمد ثروت بس الحال ضاق بيه واحنا بنلمله فلوس عشان يعرف يعيش.. وده اللقاء كان في برنامج حديث المدينة في أواخر التسعينات بعد سنين الإعلامي العملاق الراحل ” مفيد فوزي ” في إستضافة الفنان ” محمد ثروت ” في برنامجه وقال نفس الكلام بالنص مغيرش فيه حاجة والبرنامج موجود علي اليوتيوب..كل التحية للرجل اللي بسببه كل البنات اللي مواليد سنة ٨١ فيما فوق اتسموا ” رشا” بسبب اغنيته “حبيبة بابا رشا” .
