اوعي ، تندم ، ع اللي راح
و لسه برضوا ، هما ، هما
صفر حاصل ، ضرب ذمة
فرقوا ، الإحساس في لمة
و الكلام ، كان من ، مافيش
و اللي حب ف يوم يعيش
في الصور، طالع ، أفيش
اخره ، برواز ، جوا ، نيش
سقفولوا ، كتير ، بهِمة،،!!
سيبك ، انت من اللي راح
شم نَفَسك سيب ، براح
و اوعي تندم ع السماح
انهزامك ،، و انكسارك
فاد ، بإيه يوم انهيارك
بعد ليلك ،، جاي نهارك
شوفت ليل من غير صباح,,؟؟
اوعي تندم ع اللي ، راح
قصر حزنك ، ما اتبناش
غير بقسوة, ناس، كتير
و اللي نافقك ،كان، ملازمك
زي ما يكونلك ، غفير
و اللي غلاك ،باع ،بلاش
في الحياه ، مالوش ضمير
قول يا صاحبي ، أو ، بلاش
قابلت ،كام واحد ، حقير ،،!!
دول كتير ،هتقول في ايه،،،!!
جوا ، عصر ، الإنسانية
النفوس ، صبحت ،ضعيغة
في الندالة ، مية ، مية
عمرها ما كانت ، شريفة
و الوضاعة ، المستحية
بأي شكل تبان ، نضيفة
أما في، الطيبة ، الغبية
ف عهدهم ،، صبحت كفيفة
دي الولاية ، المنطقية
نَصَبوا الشيطان ، خليفة
أما عنك ،،
غصب عنك ، عيشت فيهم
و ببساطة ،
انت اقرب، حد ليهم
من نزيف طيبتك ،
تجمل و تداريهم
و أما شافوا ، الطيبة فيك ،
جُم ، عليك
و بعنيك ، شوفت
شرخ، قزاز، كبير
كان مداري ، في الحقائق ،
و ف دقايق
سيبت، كل ، مكان ، يضايقك ،
و انت فايق،،!!!
شعر / ياسر عبد الحميد
