قوي قلبك علي فراقي
بقلم ابراهيم عيسى
قوي قلبك علي فراقي
ومتفكريش في اللي فات
ومتدوريش علي اللي باقي
ما اللي بينا خلاص مات
كان نفسي تحافظي عليه
بس انتي بيعتي من سكات
دورت الاقيكي جنبي
وكان نفسي انتي بالذات
عشت كل الحلو الي بينا
بس اللي جواي مات
ومعدش فارق وجودك
ما انتي قولتي خلاص سلامات
عمري ما لقيتك جنبي
لا في فرحي ولا في ازمات
الحلو اللي جواي كان كبير
كله راح واللي باقي يدوب فتات
قوي قلبك علي فراقي
ومبتساليش ايه الباقي
عمرك لا قدرتي في
يوم لا حبي ولا أشواقي
ياما كنت بكتب ومليت
بكلام الحب اوراقي
ده سعيد في دنيته
اللي يكون للحب ساقي
كنتي في تعبي دوائي
لكن بقيتي انتي سبب لدائي
قوي قلبك علي فراقي
مفكر هتبقي جنبي علي طول
مهما اللي يعيد ولا يقول
مكنتش بصدق ومش هاصدق
وكنت بقول مش معقول
أن حبيبتي تفكيرها في نفسها
وبقيت تايه وعايش في ذهول
كنت مفكرها ليا حياة
بقت هي القاتل وانا المقتول
كل حاجه في الاول حلوه
ولازم اكون انا المسؤل
اني اكون سبب سعادتك
وضحكك هو ده معقول
قوي قلبك علي فراقي
ومترجعيش ليا تاني
قولي علي ظالم جاحد أو أناني
قولي كل اللي نفسك فيه
بس اوعي تدوري علي عنواني
لاتك فعلا مش هتلاقيه
وكفاية انك انتي الجاني
انامش ندمان على اي حاجه
لكن ندمان أن ضاع مني زماني
اني اراضيكي واسعدك
وفي النهاية انتي بيعاني
لازم اغير نفسي واتغير.
ولازم انسي الي ينساني
