عبد الحكم….

عبد الحكم

======

للشاعر / فاروق الحضري

======

في البلاد كان كعبه داير

ضحكة حلوة ووشه ناير

كان بيقزقز فول حراتي

وكان بيشرب م المزاير

وفي ديسمبر كان بيشتي

بالزكتة و ف يناير

يستحمى بمية حامية

يهري جسمه و يبقى فاير

آمنة لما تعوز غرامه

فوق كتافها يشوف ضفاير

و لما بتفك العكايف

الأكادة عليها غاير

كان بيدخل في الخزانة

م السعادة بيبقى طاير

و الخميس أبو لحمة ضاني

كان بتنشب له الفطاير

و اف ايديها جوزين عداني

من جمالها تشوفه حاير

و المعسل كان بيعوفه

وعمره ما داق السجاير